Чубар-Абдул турында шигырьләр, җырлар

                                                                                     Ильдар Зайдуллин

                                                Чубар-Абдулга.

    Авылым минем-Чубар-Абдул

   Әмма колхозым - Тукай,

   Ә Тукайның кем икәнен

   Сабый да белә бугай.

                                        Һәр бака үз күлен мактый

                                        Мин дә үз авылымны,

                                       Сагынам авылда узган

                                        Бала, яшьлек чагымны.

   Сагынам туган авылның

   Өянкеле Мәлләсен,

   Бәллүр чишмә-Таллы кулын

   Сафиулла коесын.

                                         Хәтердә "Урыс тавы"ннан

                                        Чана, чаңгы шуганым,

                                        "Әби Патша" күпереннән

                                         Ташу карап торганым.

   Яратам туган авылның

   Тырыш, хезмәтчән халкын,

   Алар белән горурланам

   Чөнки аңа бар хакым.

                                           Кырда мул иген үстерә

                                           Абзарында терлекләр,

                                           Тирә-юньдә дан казанды

                                          Безнең тырыш кешеләр.

   Безнең кырларда гынадыр

   Мул үсә татлы тамыр,

   Һәр гектардан чыгышына

   Бик күпләрең таң калыр.

                                              Мәмләкәттә дан тоталар

                                             Авыл зыялылары,

                                             Әзһәр белән Нәҗибә дә

                                             Авыл егет-кызлары.

   Тырыш хезмәт белән бергә

   Ял да итә беләбез,

   Сезнең игътибарга бүген

   Кичә тәкъдим итәбез.

                                              Биибез дә, җырлыйбыз да,

                                             Гармун кулларыбызда,

                                             Уйнау, көлү, яшьлек дәрте

                                             Сүнмәс клубыбызда!